`ASAN xidmət`i qeyri-adi qarşıladılar - FOTOLAR
15:49 09 Oktyabr 2015
“Səyyar ASAN” xidmət Göyçayda özünəməxsus bir tərzdə qarşılanıb.
Femida.az xəbər verir ki, xidmətin gəlişi münasibəti ilə xüsusi sərgi təşkil edilib. Ən yadda qalan nüans isə nar dənələri ilə xidmətin adı həkk olunmuş tablo olub.
Bundan başqa tədbir iştirakçıları səyyar şəkildə göstərilən xidmətlərdən yararlanan vətəndaşlara hədiyyə olaraq Göyçayın simvolu olan nar paylayıb.
Qeyd edək ki, “Səyyar ASAN” xidmət “ASAN xidmət” mərkəzlərinin təsis edilmədiyi regionlardakı əhaliyə xidmətlərin çatdırılması və mərkəzlərə gəlmədən vətəndaşların xidmətlərdən yararlanmalarının təmin edilməsi üçün zəruri müasir texnoloji avadanlıqlarla təchiz edilmiş irihəcmli xüsusi avtobuslar səyyar formada regionlarda əhaliyə xidmətlər göstərməyə davam edir.
“Səyyar ASAN” xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin ediməsi və vətəndaş məmnunluğuna nail olunmasıdır.
“ASAN xidmət” vətəndaşlarımızın fərdi xərclərinin azalmasına, zaman itkisinin aradan qaldırılmasına, şəffaflığın və onların şəxsi rahatlığının təmin edilməsinə imkan verir. Bu konsepsiyada əsas prinsiplər kimi operativlik, şəffaflıq, nəzakətlilik, məsuliyyət və rahatlıq müəyyən edilib.
Oxunub: 1090
Oxşar xəbərlər
- `ASAN xidmət` işçilərinin peşə bayramı günü təsis edilib
- `ASAN Xidmət`də Heydər Əliyevin xatirəsi anılıb
- `ASAN xidmət` Monteneqro mətbuatında
- `ASAN Xidmət` xeyriyyə aksiyası keçirib
- `ASAN xidmət` 1 gün işləməyəcək
- `ASAN xidmət`ə 18 milyonuncu müraciət qeydə alınıb
- `ASAN İmza` üzrə vahid tarif tətbiq edilib
- `ASAN Kommunal`dan daha bir YENİLİK
- `ASAN peşə` üçün qeydiyyat vaxtı uzadılıb
- `ASAN qatar` Siyəzəndə olacaq